Tum Naghma-o-Mah-o-anjum ho

Tum Naghma-o-Mah-o-anjum ho,
Tum soz-e- Tamana kya jano,
Tum Dard-e-Muhabbat kya samjho,
Tum dil ka tarpana kya jano.

Tum Rooth gae jab jab humsay, hum tumko mana hi letay thay,
Ik baar agar hum rooth gae,
Tum hum ko manana kya jano.

Takhreeb-e-Muhabbat Asaan hai,
taemeer-e-muhabbat mushkil hai,
Tum Aag lagana seekh gae,
Tum Aag bujhana kya jano.

Tum door kharay dekha hi kiye, aur doobne walla doob gaya,
Saahil ko tum manzil samjhe,
Tum lazzat-e-darriya kya jano........

Behzad Lucknawi